NOTe Plans

السلام عليكم

سووري على التاخيرر مرره تاانية

في حاجات كتير في بالي عن النوتة بس ماحبيت اكثر هرج وتطفشوو وتملوو

فخليتوو بسيط وقصيرر .. وان شاء الله تستفيدو منوو

وخلوناا نخووش بالموضوع دوووغرري  هع

هذا مخطط او صفحات اللي حتكون في النوتة

مع اضافات  ممكن تناسب احتياجاتكم

~

حملــوهاا  من هــووون

عشاان نعمل  نوتة نحتااج شويت حاجات زي ~

- ملف تخريم نقدر نقصوو ممكن يكون ورق او بلستك

-  ورق مقوى ملون

-  مقص او مشرط

- ستكرات او مشبك ورق

- وخرامة

- مسطرة

- مرسام (قلم رصاص )

~

وبسم الله نبــدأ .,’

1 \ نطبع التخطيط

ولمن نجي نطبع نطبع وجه وقفاا  عشان ماتضيع اوراق كتيرر و

بعد  مانطبع التخطيط  و نحط الاوراق على بعضها عشان نقصها مع بعض احسن  حيطلع خطين  خط للطبعة اللي من قدام وخط للطبعه اللي من ورى

واحن حنقط بينهم بالنص

وللاسف ماعندي  صورة لهذي الخطوة

بعدين نخرمها ونحطها بالملف

2\ نقص الملف

بعد مانحط الاوراق جنقيس من فوق  وتحت 3  سم    ومن الجنبين 5 او 6 سم   يمكن تشوفو المقاس كبير بس بالعكس كويس

لاننا لمن نقفل النوتة  حتزحف الاوراق على الطرف ومو حلو تكون خاارجة برت النوتة

و بسم الله نــقـص << حسيت اني جالسة اذبح وانا اقص  حتى سويتو بالمشرط خفت على المقص يتكسر هع  حتى اطرافو طلعت معربجة

وبعد ماقصيتوو وقصيت الاطراف لانهاا جات على زاوية حاادة  وتعور فسويتها زي كدا

3\  التقسيمات

والحمدلله كذا خلصنا  من النوتة   وتقدرو  تكتبو اسماء الاقساام  وتزينوهااا  على كيفكم

و في حاجت حلوه ممكن تستفيدو منها

-   االاستكرات مررررره حلوه بالنوتاات  وتساااعدكم   كتيرر  .. بحيث اي شي في بالكم  تبغو تتذكروا  يصير تكتبوا فيهاا

-   مشابك الورق  كماان حلوه بتعليق اوراق  او استكر  او بطاقة

,, وخلصنا  من عمل النوتة  بـاقي الجزء الثانية منها,,

وهو الفااايدة من نوتة التخطيط  بكرة ان شاء الله حزنلهاا ~